þriðjudagur, febrúar 08, 2005

Já margt er skondið í henni veröld

Fann þessa líka óborganlegu frétt á Ananova.com og ákvað að láta hana fljóta með hér.
Zoo tempts gay penguins to go straight

A German zoo has imported four female penguins from Sweden in an effort to tempt its gay penguins to go straight.
The four Swedish females were dispatched to the Bremerhaven Zoo in Bremen after it was found that three of the zoo's five penguin pairs were homosexual.
Keepers at the zoo ordered DNA tests to be carried out on the penguins after they had been mating for years without producing any chicks.
It was only then they realised that six of the birds were living in homosexual partnerships.
Director Heike Kueck said that the zoo hoped to see some baby penguins in the coming months.
She said that the birds had been mating for years and one couple even adopted a stone that they protected like an egg.
Kueck said that the project has the support of the European Endangered Species Programme because the penguins, which are native to South America, are an endangered species.
A biologist will be on hand to monitor the experiment.

But introducing the Bremerhaven penguins to their new Swedish friends may not be as successful as hoped after earlier experiments revealed great difficulties in separating homosexual couples.
In case they show no interest, the zoo has also flown in two new male penguins "so that the ladies don't miss out altogether", Kueck added.


Mér finst sagan af parinu sem "ættleiddi" steininn eithvað svo óborganlega krúttleg

Svo fyrir ykkur sem hafið gaman af svona skondnum sögum úr henni veröld kíkið á þetta
  • Ananova.com...Tvíburar???

  • Hvað eiga Guðný og Gandhi sameiginlegt

    Ég tók þetta fína próf á netinu sem á að staðsetja mig í pólitíkinni og viti menn í ljós kom að ég er frjálslynd vinstri manneskja. Þetta kom mér ekki mikið á óvart. En á grafinu sem gefið var upp mér til viðmiðurnar kom í ljós að ég er í félagsskap ekki ómerkilegri manna en Nelson Mandela, Dalai Lama og Ghandi ekki amalegt það.
    Hér fyrir neðan sjái þið þessar fínu niðurstöður og viðmiðunarmyndirnar.
    .
    .
    .

    Prófið góða má svo finna hér:
  • Próf

  • mánudagur, febrúar 07, 2005

    Hey Kanína komdí flensu....
    Ástandið hér er ekki vel skemtilegt mér sló niður af flensunni, Ásdís er með hita og hálsbólgu og Anna er búin að bæta streptókokkum við flensuna og eyrnabólguna.
    Ég get sennilega kennt sjálfri mér um hverinig komið er fyrir mér. Ég ákvað það á fimmtudaginn að mér væri að batna og dreif mig út til að kaupa afmælisgjöf handa Ásdísi og hráefni í 12 ára afmælispartý. Eftir þessa ferð var mér nokkuð ljóst að ég væri nú ekki alveg búin að ná fyrri styrk. Fór heim settist niður í klukkutíma og hófst svo handa við að grafa heimilið upp úr draslinu sem safnast hafði upp var að því fram eftir kvöldi. Á föstudagsmorguni hélt ég svo áfram að skreyta og skafa burtu skít svo stúlkurnar 10 myndu ekki hverfa að eilífu í draslinu. Haldin var þessi líka ljómandi afmælisveisla sem varð að singstarpartýi sem vakti það mikla lukku að klukkan fimm þegar afmælið var formlega búið tilkynntu stelpurnar að þær langaði ekki heim strax. Ég ætla að leyfa mér að giska á að það sé vel heppnað partý. Ég settist svo niður og horfði á Idolið og ætlaði svo að fara að sofa þar sem mín beið það skemtilega verkefni að vera mætt með Árna á Handboltamót inn í Kópavog kl. 8:20 stundvíslega. En vesalings Anna var eithvað svo ómöguleg um nóttina að ég náði nú ekki nema klukkutíma eða einum og hálfum í svefn og hann fór í martröð uppu úr nýju auglýsingunum frá Umferðarstofu : s Ég spratt nú samt á fætur kl. 7 dreif mig út með hamar og meitil að losa bílinn úr klakabrynjunni sem yfir honum lá. Hann var ekki orðin þiðinn kl. 8 þegar við lögðum af stað hurðin bílstjóra meginn neitaði alfarið að lokast og þurfit ég að halda við hana alla leið inn í kópavog. Árni mætti galvaskur fyrstur í sínu liði ........tóku þið efitr þessu .........við vorum fyrst !!!!! Ekki síðust og seinust eins og þessi fjölskylda hefur nú stundum verið þekkt fyrir nei FYRST. Stuttu á eftir okkur mættu svo Una og Friðrik með Grétar Áka sem keppir með HK svo þetta voru heljar skemtilegir endurfundir hjá drengjunum. Árni fékk úthlutað búningi frá stjörnunni og hann var heppinn hvað hann er grannur því búningarnir vour nú ekki upp á sitt stærsta né víðasta. Flest liðin þarna voru í svo stórum búningum að bolirnir minntu meira á tjöld en boli og fótleggirnir urðu að algerum spóaleggjum niður undan bolnum og hólkvíðum stuttbuxunum. En ekki Stjarnan búningurinn passaði akkúrat á Árna en á nokkrum hinna drengjanna var hann alveg á mörkunum að sleppa full þröngur á suma og ansi stuttur á aðra. Árni er greinilega heppinn hann er í staðlaðri 8 ára stærð. Þetta var nú hin mesta skemtun hópurinn hanns Árni lék fjóra leiki frá kl. 8 - 12 og þó þeir hafi nú ekki unnið neinn þeirra gerði það ekkert til þvi það var mjög gaman hjá þeim. Mér fannst líka frábært að fylgjast með þjálfaranum sem hafði nú meira en nóg að gera. Sumir héldu að þeir væru í sínum einka bolta og neituðu alveg að gefa boltan á aðra, aðrir skildu engan vegin að þeir áttu að halda sig á þeim stað sem þeim var úthlutað og stundum var stórt gat í vörninni miðjunni því liðið var allt komið út í annað hornið osvf. En þar sem handboltareglurnar eru nú ekki teknar of hátíðlega og það er greinilegt að þessi mót eru haldin til að hafa gaman af þeim þá var þetta allt leyst í friði og spekt. Það sem mér fannst stór plús við þjálfarann að hann fann eithvað til að hrósa öllum strákunum fyrir (hverjum og einum)í hverjum leik. Í síðasta leiknum þeirra gerðist svo hið ótrúlega allt það sem þjálfarinn var búin að vera að garga frá hliðarlínunni allan morguninn skilaði sér í seinni hálfleiknum og þeir fóru að spila saman og náðu sér úr bullandi tapi, þeir voru 5 mörkum undir, í að klára með jafntefli.
    Ég uppgötvaði það á heimleiðinin að ég væri ekki alveg upp á mitt besta kinnholurnar voru farnar að kvarta. Ég ákvað nú samt að sjá til og fara heim og leggja mig og athuga hvort mér myndi ekki bara batna af því. Eftir fjögurra tíma svefn var hitinn kominn upp fyrir 38 gráðurnar og orðið sárt að ganga vegna verkja í kinnholunum. Ég dreif mig því upp á læknavakt og er komin með penicilín og nefúða til að berjast við óþverrann.
    Seinni partinn á sunnudag gáfumst við svo upp á að koma mixtúrunni ofan í Önnu, henni var ekkert að batna pestinn hitinn enn þá hár og hún ósköp lufsuleg sofnandi á hinum skrítnustu stöðum svo sem stiganum upp í stofu og stofugólfinu. Slagsmálin um mixtúruna enduðu bara með því að hún gubbaði henni upp aftur. Guðni dreif sig því með hana á læknis og fékk handa henni töflur. Læknirinn kíkti á hana og sá að streptókokka hálsbólga hafði bæst í safnið hjá henni. Hún fékk því viðeigandi meðal við því og recept upp á backup plan ef töflurnar klikka. Ég verð að játa að það urðu mér talsverð vonbrigði hvað urðu mikil slagsmál að koma töflunum í barnið því líkt og annað eins. Hún er ekki hrifin af lyfjum litla sílið. En taflan fór niður og er þar enn en ég þarf að fara að hefja ný slagsmál............ Úff tvisvar á dag í viku ARGH...............

    föstudagur, febrúar 04, 2005

    Ég er lítið lasið skrímsli

    Ég er lítð lasið skrímsli
    og mig langar ekkert út.
    Hornin mín eru völt og veik
    og mig vantar snýtuklút.

    Skrímsli eru eins og krakkar
    ósköp vesæl ef þau næla sér í kvef.
    Hver er hræddur við skrímsli sem
    er hóstandi og með stíflað nef.

    Anna blessunin er bara hundlasin greyið, hún er með 39.5 stiga hita og ósköp lasin. Liggur að mestu fyrir og horfir á barnaefni, það er nú ekki hægt að saka hana um geðvonsku barnið. Hún tekur pestinni með mesta jafnaðargeði það sama er ekki hægt að segja um það þegar hún á að taka penecilinmixtúruna sína. Til að koma mixtúrinni í hana þarf slagsmál og megninu er frussað út aftur. Ég hef að vísu fulla samúð með þessu en ég man enn eftir ógeðslegu bleiku mixtúrunni sem ég fékk við blöðrubólgunni þegar ég var á svipuðum aldri. Ég var meira og minna á þessari ógeðs mixtúru á þessum árum. Ég man líka daginn sem ég fékk mixtúruna í síðasta sinn. Ég var að sækja flöskuna inn í ísskáp og hún rann úr höndum mér og niður á gólf (eitt þetta týpiska atriði þegar maður ætlar að hjálpa og það fer i vaskinn). Flaskan brotnaði og ljósbleikt innihaldið dreifðist um eldhúsið. Móðir mín var nú ekki ánægð með afrekið sem er kanski ekkert skrítið þetta var sykursull með ógeðslegri penecilin lykt í bland við einhverja sæta vemmilega lykt. Sullið var svo í ofanálag óhóflega klístrað og leiðinlegt í þrifum OJJJ. Mamma skeiðaði svo til læknis að fá nýja mixtúru en kom aftur með töflur í staðinn, mikið varð ég glöð. Ég hætti alveg að vera leið yfir þvi að hafa misst flöskuna og óskaði þess helst að ég hefði bara gert þetta fyrr. Mér dettur mixtúru ófétið í hug í hvert sinn sem ég þarf að troða svona mixtúru ógeði í börnin mín.

    miðvikudagur, febrúar 02, 2005

    It´s a hard life ....

    This is a tricky situation
    I’ve only got myself to blame
    It’s just a simple fact of life
    It can happen to anyone

    You win - you lose
    It’s a chance you have to take..................

    Já pestin lætur ekki að sér hæða Anna er komin með sýkingu í augun þegar hún vaknaði í morgun voru augnlokin límd aftur. Hún var að vísu ekki mikið að kvarta nuddaði augun og tilkynnti mér að það væri sandur í augunum. Árni Eyþór mokaði sandi í augun á mér í leikskólanum tilkynnti hún mér alvarlega á svip. Ég held nú samt að Árni greyið sé nú alveg blásaklaus af sýkingunni held að þetta sé nú meira svona kvefbakteríur sem hafa nuddast upp í augun. Þegar líða tók á daginn fór mín svo að toga í eyrað og kvarta undan að hún meiddi sig í eyranu svo það er greinilega komin eyrnabólga af stað líka. Þetta passar fínt Ásdís er líka búin að vera að kvarta undan eyranu svo nú er ljóst að kl. 17 verð ég með stelpu skottin mín 2 á læknavaktinni að leita lausnar á bólgnum eyrum og augum. Þegar því er lokið þarf ég að finna stað sem ég get keypt mat og lyf í einu svo það sé til ætur biti í húsinu annars þurfum við að fara að borða húsgögnin á heimilinu. Reyndar er bílskúrinn fullur af húsgögnum og drasli sem við erum ekkert að nota kanski er bara málið að borða draslið og losna þannig við það.

    It´s a dogs life
    Já það er ekki nóg að við mæðgurnar liggjum í pestinni til að bæta gráu ofan á svart tók músin hennar Ásdísar upp á þvi að deyja einhverntímann í fyrrinótt eða gær morgun. Blessuð sé minning hennar. Eins og það hafi nú ekki verið nógu slæmt þá bættis við að Leó fék magapest í nótt. Það þýddi nánast engan svefn fyrir mig og óskaplega skemtileg þrif á íbúðinni. Ræfils tuskan (Leó ekki tuskan í hendi mér) gekk um með hausinn hangandi á milli framfótanna í skömm. Hann veit nefnilega alveg að það má ekki gera nr 1 og hvað þá nr.2 innan dyra. Hann var greinilega alveg búin að gera sér það ljóst að hann yrði tekin ærlega á beinið fyrir verknaðinn. En þannig er nú bara mál með vexti að ég get bara ekki skammað hann fyrir þetta í fyrsta lagi þá er þetta algerlega óviðráðanlegt og í annan stað þá skammaðist hann sín svo mikið af sjálfsdáðum að það hefði verið grimmdarlegt að bæta á það. Þegar þrifunum var lokið mátti ég dragnast út með hann reglulega í alla nótt og ég get svo svarið fyrir að það gerði hitanum, höfuðverknum og kvefinu mínu ekkert gott.

    Nú eru bara 2 dagar í það að eldri dóttir mín nái þeim merka áfanga að verða 12ára. Þetta er fysti stóri áfanginn í lífinu. Jú sko við 12 ára aldur má maður nefnilega horfa á myndir merktar með gulu merki, nú verður ekki hægt að banna Ásdísi það lengur og hefur hún talið dagana af þessum sökum. Næsti áfangi er svo 14 ára eða fermingar árið, svo er það 16 ára til að mega horfa á rauðmerktar myndir, 17 ára bílprófið, 18 sjálfstæði og kostningaréttur, 20 áfengið. Mikið sakna ég nú þessara tíma sem maður hafði alltaf eithvert takmark til að hlakka til með hverjum afmælisdegi. Ég á að vísu tvennt eftir en það er 35 ára en þá má ég bjóða mig fram til forseta (as if eða glætan spætan á íslensku) og svo náttúrlega 67 eða eftirlauna aldurinn. Ég get nú ekki sagt að þessir áfangar veki með mér sömu tilhlökkun og 17 ára aldurinn og hvað þá tvítugs afmælið. Mér finnst að það ætti að finna upp fleiri girnileg réttindi sem maður öðlast alltaf reglulega út lífið. Ég er að vísu ekki með neinar góðar hugmyndir að réttindum fyrir fólk sem er komið yfir tvítugt, hugmyndir óskast !!

    þriðjudagur, febrúar 01, 2005

    Atshjú
    Við Anna erum heima með flensu :( Það skemtilega við pestarsamveru okkar Önnu þessa dagana er að ég uppgötvaði hvað barnið hefur gaman af því að teikna. Krotið hennar er nenfilega farið að taka á sig alvöru mynd. Hún teiknar og teiknar og teiknar þangað til lítið sést af blaðinu lengur og á báðar hliðar. Hún teiknar mömmu með Önnu í maganum, krakkana á leikskólanum og síðast en ekki síst hákarla með krullur. Mér finnast hákarlarnir með krullurnar standa alveg uppúr hvað varða skemmtanagildi. Hef aldrei áður séð hákarla með krullur og finnst hugmyndin alveg geggjuð. Það er líka alltaf gaman að taka eftrir því að börnin manns bæta við sig nýjum og nýjum hæfileikum.