laugardagur, febrúar 26, 2005

Ógeðsdrykkurinn

Ég er búin að komast að því að manni verður bumbult af ógeðsdrykkjum sem innihalda mikið magn af hvítlauk. Ég get nú kanski sjálfri mér um kennt að því leyti að ég borðaði víst ekkert fyrri hluta dags vegna lystarleysis, svældi bara í mig tei með fjallagrösum, hvítlauk, hunangi og sítrónusafa og ó boj ó boj hvað maginn minn var ósáttur. Mæli með því að fólk borði eithvað ef það ætlar að láta svona sull ofan í sig annars bræðir maður bara úr maganum líka. Ég ætla að bíða með meiri ógeðsdrykkjar drykkju þangað tíl á morgun en þá bætist sennilega engifer saman við fyrri blönduna.
Horfði mér til ánægju á Idolið í kvöld uppáhöldin mín 2 komust áfram svo ég get ekki annað en verið sátt.
Pirringur vikunnar er samt sem áður út í stöð 2 ég verð eiginlega að játa að mig langar svoldið að hringja í þá og skammast. Gallinn er bara sá að ég veit að það þýðir nákvæmlega ekki neitt, það eru bara einhverjir sakleysingjar á símanum sem verða fyrir því að hlusta á skammirnar og svo gerist ekkert meira. Það sem er að pirra mig er að við borgum hátt í 5000 kr. á mánuði fyrir áskrift að stöð 2, gott og blessa mér finnst þetta dáldið dýrt en mig langar ekki að vera án Idolsins, Joey, The 4400 og Nip/Tuck, ég er meira að segja að læra að horfa á 24. Það sem er að fara alveg gífurlega í taugarnar á mér er að dagskrárstjórnendum Stöðvar 2 finnst ekkert athugavert við að bjóða okkur áskrifendum stöðvarinnar upp á auglýsingar í miðjum þáttum. Það gjörsamlega rýkur út um eyrun á mér í hvert sinn sem þetta gerist t.d. inn í miðjum Joey auglýsingar **BRJÁL***. Ég sætti mig við allar auglýsingarnar sem koma á 5 - 10 mínútna fresti inn í þætti á Skjá einum enda borga ég ekki krónu fyrir dagskrána þar. En ég er að borga fyrir áskrift að Stöð 2 og mér finnst því óafsakanlegt að þeir séu að troða auglýsingum inn í dagskrárliðina. Ekki nóg með það þá er auglýsinga flóðið á milli dagskrárliða orðið svo mikið að þættirnir eru sjaldnast á tíma lengur heldur 5 mínútum eða meira á eftir áætlun. Að maður láti bjóða sér upp á þetta er ótrúlegt en ástæðan er sennilega sú að forsvarsmönnum stöðvarinnar er alveg sama þó að áskrifendurnir þeirra kvarti þeir nebblilega svara ekki kvörtunum. Ég veit um nokkur tilfelli þar sem fólk hefur sent stöðinni póst og hringt inn með kvartanir og ekki fengið neitt meira en svona er þetta bara og ef þér líkar þetta ekki þá það, ef þeir á annað borð leggja sig niður við að svara en það er nefnilega ekkert sjálfgefið að þeir geri það. Ef fólk kvartar undan einhverju við RÚV þá fær það yfirleitt einhverja netta útskýringu eða afsökunarbeiðni þannig ber undir maður hefði haldið að þetta væri akkúrat öfugt en nei, skondið ekki satt. Svo er annað við Stöð 2 sem er líka að pirra mig eða meira svona Digital Ísland pirringur mikil rosalega svakaleg ömurleg afturför er þetta Digital ísland dæmi það er sko ekki eitt heldur allt við það dæmi sem pirrar mig og hana nú. En þó stendur tvennt upp úr það er að alltaf þegar Simpsons er á kvöldin þá birtist á skjánum Smartcard wrong inserted á skjánum oftar en ekki þarf að slökkva á myndlyklinum til að losna við þessa villu meldingu af skjánum. Þetta gerist alltaf á svipuðum tíma á kvöldin milli 19:30 og 20:00 krakkarnir alltaf jafn pirraðir hlaupandi upp í stofu til að redda málinu. Þessi skemtilega villumelding kemur svo reyndar óþarflega oft á öðrum tímum ásamt No Accsess villunni, mér finnst þetta smartcard ferkar stupid ég verð að segja það. Annað sem er gífurleg afturför er að það er bara ein útsendingar tíðni á fjarstýringunum að myndlyklunum svo það er ekki hægt að fletta milli stöðva með fjarstýringu á örðrum myndlyklinum í einu. Þetta gerir það að verkum að það er aldrei hægt að nota þessar árans fjarstýringu að Digital lyklunum því sama hvað maður gerir þá fiktar maður bæði í stöð 2 og Stöð 2 bíó og það hefur mjög alvarlega afleiðingar á þessu heimili að fikta í hinni heilögu Stöð 2 bíó þegar aldursforsetinn hér er að horfa á hana. Ég ætla ekki að lýsa nánar hér hremmingum þeim sem ég hef lent í þegar ég hef álpast til að snerta frjarstýringar rassgatið. Það voru ekki eins fjarstýringar að gömlu myndlyklunum og því gat maður skipt milli stöðva á öðrum myndlyklinum alveg án þess að setja heimilið á hliðina, þetta nýja fyrirkomulag er alveg glatað. Þetta er ekki tæmandi listi yfir það sem pirra mig við Digital Ísland og Stöð 2 bara rétt svona toppurinn á ísjakanum. **PIRR**PIRR**PIRR**PIRR**ARGH**

föstudagur, febrúar 25, 2005

Svindl

Ég er lasin aftur og mér finnst það ógeðslega mikið svindl ! Kvef, 38 - 39 stiga hiti og höfuðverkur eru heldur betur að hrjá mig einu sinni einu sinni enn og nú er nóg komið. Ég þrælaði í mig í gær sítrónutei með 2 hvítllauksrifjum og sítrónusafa. Í dag er meiningin að koma niður fleiri svona bollum og hrekja pestina út, versta er að það verður ekki líft nálægt mér vegna hvítlaukslyktar. Einhverstaðar í húsráðalyfjunum við pestum er líka fjallagrasate og það er á dagskránni að þræla því niður líka en þá segi ég nú bara eins og börnin .... Það er bara svo ógeðslega vont.... En með illu skal illt út reka svo fjallagrösin skulu niður og hana nú. En upp á móti kemur að suðusúkkulaði og 70% súkkulaði á að vera gott við kvefi líka svo þá er bara að láta sig hafa fjallagrösin og japla svo á súkkulaðinu á eftir til að ná burtu bragðinu nammmmmmmm Gott að hafa afsökun fyrir óhóflegu súkkulaði áti he he he
Ásdís er komin til Danmerkur að heimsækja pabba sinn..... mikið öfunda ég hana af því að eiga svona pabba í útlöndum sem hún getur farið að heimsækja. Ásdís er líka svo stálheppin að eiga góða Ömmu sem býður henni í ferðir út að heimsækja pabba, þvílíkur lúxus að eiga svona góða að :)
Æ ég held ég veriði að skríða upp í rúm með ógeðsdrykkinn minn ....... over and out.

þriðjudagur, febrúar 15, 2005

Krakkarnir voru að fá einkunirnar sínar fyrir haustið

Ég stenst ekki að monta mig dáldið mikið af þessum gullmolum mínum.

Árni Gunnar einkunn
Lestur 8
Skrift og Frágangur 6
Stærðfræði 8,5
Stundvísi A
Hegðun A
Vinnusemi A
Mætir með námsgögn A
Heimanám A


Ásdís Lilja
Lestur 8,5
Skrift og frágangur 8
Íslenska 8
Stærðfræði 6
Íslandssaga 9
Handment 9
Íþróttir 8,5
Myndment 9
Smíði 9
Tónment A

Stundvísi A
Hegðun A
Vinnusemi A
Mætir með námsgögn A
Heimanám A

Ásdís þarf auka aðstoð við stærðfræðina og er það í vinnslu. Árni þarf að vanda sig við skriftina en hann skrifar fullkomlega í skriftarbókina sína en svo vandast málið þegar hann er að skrifa annarstaðar. Honum liggur einfaldlega of mikið á nú á að taka hann í gegn með það :)
Give me one reason....

This youthful heart can love you
And give you what you need
This youthful heart can love you
And give you what you need
But I'm too old to go chasing you around
Wasting my precious energy.


Jibbí jibbbí ég var að fá póst frá amazon.com sem tilkynnti mér að diskarnir væru lagðir af stað til mín. Kanski ná þeir hingað áður en ég fer upp í bústað svo ég get plantað mér fyrir framan imbann og upplifað dýrðina. Hmm hvað ætli svona póstur sé lengi frá Bretlandi hmmmmmm..........
Annars er ekkert gáfulegt að frétta af mér allt frekar meinhægt og nett. Ég fór í leikhús á laugardagskvöldið að sjá Vodkakúrinn, ég grét næstum því úr hlátri yfir þessum ósköpum. Ég hitti konu sem um daginn sem sagði að sér hefði fundist þetta ágætt stykki en tóninn var einhvernveginn þannig að úr honum mátti lesa að þetta hefði verið minna en ágætt. Held kanski að hún hafi bara ekki haft vaxtarlagið í að skilja leikritið til fulls. Heimur fitubollunar er minn heimur svo þetta hitti alveg í mark hjá mér. Sumt þekkti ég úr eigin fari og annð þekkti ég frá fólki sem ég hef hitt á förnum vegi, að vísu var þetta auðvitað dáldið ýkt mynd en engu að síður sorglega nálægt sannleikanum stundum.
Svo ég haldi mig á fitubollunótunum rakst ég á blogg fyrrum kunningjakonu minnar fyrir algera slysni í fyrradag og las það af áfergju. Hún kallar bloggið
  • fyrrverandifitubolla.blogspot.com
  • og stendur það alveg undir nafni. Ég þekkti þessa stórskemtilegu stúlku (Lilju) fyrir hart nær 18 árum síðan. Við unnum báðar sumarlangt í eldhúsinu á Borgarspítalanum sem þá var og hét (þið trúið ekki hvað það spruttu fram mörg grá hár þegar ég fattaði að það eru 18 ár síðan). Hún er 2 árum eldri en ég og var komin með bílpróf og alles á þessum tíma. Ég var svo heppin að ég fékk stundum að fljóta með henni og vinkonu hennar í bæjarferðir og vídeógláp og annað slíkt. Þetta voru sko engar smá skemtiferðir því Lilja þessi er alveg óborganleg skemtileg manneskja, ég endaði yfirleitt með magaverk úr hlátri eftir þessar ferðir enda uppátækin stórkosleg í alla staði. Ég get nú samt ekki sagt annað en mér hafi brugðið smá þegar ég sá hve fitubolu syndromið hafði gengð nærri henni um tíma ég varð eigilega alveg miður mín, því þetta var nú alls ekki feitlagin stelpa þegar ég þekkti hana hér í denn. Bloggið góða rekur baráttu hennar við offítupúkann og allt sem honum fylgir. Ég veit nú ekki aðferðin sem hentaði henni sé neitt sem ég get notað, ég sé bara ekki fyrir mér að ég lifi það af að borða egg og beikon í morgunmat. Engu að síður þá fannst mér einstaklega gagnlegt að lesa bloggið því það gefur manni von um að einhverntímann takist manni kanski að hrista af sér spikið. Málið er nefnilega að hún er búin að ná takmarks þyngdinni sinni og rúmlega það en þetta gekk ekki alveg eins og í sögu frá fyrsta degi og mér finnst það gefa mér svo gott veganesti í mína baráttu við púkan ljóta. Að vita að það er hægt að hrasa af beinu og breiðu brautinni án þess að það þýði að allt sé tapað er rosalega upplífgandi. Málið er einfaldlega að taka sig upp á hnakkadrambinu og gera betur á morgun og ef það hefst ekki þá er alltaf til dagurinn eftir það. Þannig hefst þetta fyrir rest :) Reyndar finnst mér að hún sé full upptekin af grammafjölda per dag kanski er það það sem þarf en ég held að ég myndi aldrei nenna að hafa áhyggjur að 100gr milli daga, lífið er bara of stutt til þess. Nú langar mig svo bara að vita galdurinn við að halda spikinu í skefjum eftir að maður hefur skafið það af því það virðist vera fólki jafnvel erfiðara en að ná spikinu af í upphafi :S

    föstudagur, febrúar 11, 2005

    Við erum í vetrarfríi
    Öll fjölskyldan er samankominn heima í vetrarfríi skólar og leikskólar Garðabæjar eru lokaðir. Guðni tók sér frí í vinnunni svo við erum að hugsa um að nýta daginn fara í bíó og út að borða með allann skarann.

    fimmtudagur, febrúar 10, 2005

    Fiðurfé

    Ég get ekki hætt að dást að henni Herborgu hanamömmu í Kópavoginum. Ég var að lesa viðtal við hana í DV í gær, ég hef svo sem löngu vitað að konan væri skemtileg en hvað hún er frábærlega orðheppin vissi ég ekki. Hún hefur núna brillerað í hverju viðtalinu á fætur öðru í öllum helstu miðlum landsins. Mér finnst hanamálið allt hið skemtilegasta og sé að ég hef misst af miklu að hafa ekki fengið mér hænur haldiði að það væri ekki fín búbót hér í Garðabæinn 3 hænur á vappi í garðinum, ég sé þetta alveg í hillingum.
    Ég held að heilsufarið á bænum sé eithvað að skána 7 9 13 ég er skárri og næstum hitalaus, Anna hleypur um allt þvílíkt kát, Ásdís er enn dáldið lasarusaleg föl og guggin með kvef en samt skárri. Meðalastríðið við Önnu er enn í fullum gangi en versta mótstaðan hefur samt verið brotin á bak aftur. Mér tókst í fyrsta skipti í dag að gefa henni meðalið án þess að hún grenjaði í hálftíma, frussaði og fojaði. Lykillin en að mylja töflurnar setja góða skólajógurt í skeið bæta mulningnum ofaná og fela hann svo með meira jógúrti. Hafa tilbúið fullt glas af mjólk og loforð um að fá að fara á Barbie síðuna eða hafa íspinna á borðinu sem Anna má fá ef hún er dugleg að taka töfluna. Þetta er búið að ná mótþróatimanum niður í 2 mínútur og grát tíminn er nánast alveg búinn. Vona bara að þetta haldi áfram á þessari braut.

    Arr ég var að tékka á Amazon.com og þeir eiga von á að senda pakkan minn af stað 17 febrúar, ég get ekki beðið svo lengi : s
    Við fjölskyldan erum að fara í sumarbústað með vinahópnum 18 þessa mánaðar við erum farin að hlakka dáldið til. Við höfum ekki farið í bústað síðan í sumar svo það er sko alveg kominn tími til að skella sér. Við eigum enn eftir að leysa hvað við gerum við Leó á meðan annað hvort er það Hundahótel eða við biðjum Pabba að setja hann út í spotta amk. 2svar á dag þessa daga sem við verðum að heiman og gefa honum að borða og klappa smá líka, ég veit ekki hvort pabbi nennir þessu en vonandi.
    Ég fór í vinnuna í gærkvöldi mikið óskaplega var gott að komast þangað aftur. Ég var hreinlega farin að sakna vinnufélaganna og vinnunar sem slíkrar, ég hélt að ég ætti nú aldrei eftir að segja þetta en svona er þetta nú bara samt. Ótrúlegt hvað er gaman að vinna þegar maður er að vinna með skemtilegu fólki á góðum stað.

    miðvikudagur, febrúar 09, 2005

    NOSTALGÍAN

    'Listen very carefully, I shall say zis only once...

    Ég var að panta mér DVD á netinu áðan sem ég ætti að fá senda eftir 1 - 2 vikur nú er ég svo spennt að ég............. get ekki setið kyrr, hvernig geturðu setið kyrr.. **slap** slakaðu á kona !! He he þetta er nú kanski ekki alveg svona slæmt en næstum því. Ég fann eftir margra ára leit þætti sem sýndir voru í sjónvarpinu þegar ég var smá sennilega þegar ég hef verið á aldrinum 8 - 10 ára. Ég man enn eftir loka atriðinu í síðasta þættinum í síðustu seríunni. En þessi lokaþáttur var sýndur i júní 1982 það man ég vegna þess að ég horfði á hann á stigapallinum á Landakoti í vikunni eftir að ég fór í aðgerðina góðu. Ég betlaði það út úr hjúkrunarfólkinu að keyra mig í rúminu fram á stigapall svo ég gæti horft á þáttinn því ég gat ekki hugsað mér að missa af síðasta þættinum. Þá var sko ekki búið að finna upp endalausar endursýningar eins og tíðkast núna. Ég man enn hvað var erfitt að haldast vakandi því ég var enn syfðjuð eftir svæfinguna en ég var syfjuð í 3 eða 4 daga eftir þessa eðal aðgerð, fyrir utan að ég var nánast alveg útafliggjandi í rúminu, það var nefnilega svo vont að láta hækka mikið undir höfuðið þarna fyrst eftir að ég var skorin, sem gerði erfiðara að horfa á sjónvapið og haldast vakandi. En með hörkunni hafðist að horfa á þáttinn enda ýkt spennandi þáttur.
    Þessir eðal þættir gerast á litlu kaffi húsi í smá bæ í Belgíu seinni heimstyrjöldinni. Í aðalhlutverkum eru kaffihúsaeigandinn, hjákonan hans sem er líka þjónustustúlka á kaffihúsinu, kona í andspyrnuhreyfingunni, vondi Gestapó kallinn og niðurskotnir breskir flugmenn svo eithvað sé nú nefnt. Eftir þessa lesningu haldi þið náttúrlega að ég sé að tala um hina dásamlegu og hreint yfirgengilega frábæru seríu Allo Allo en nei ekki aldeilis. Allo Allo er nefnilega skopstæling á gömlu uppáhalds þáttunum mínum sem ég hef fram að þessu ekki vitað nafnið á. Mér hefur alltaf reglulega síðast liðin 20 ár orðið hugsað til þessara þátta og langað til að sjá þá aftur og af því að netið er ein frábærasta uppfinning nútímans, ég skil ekki hvernig ég gat lifað áður en netið kom til sögunnar, þá kíkti ég á netið og fann á endanum Allo allo síðu sem gat sagt mér nafið á upphaflegu seríunni en hún heitir Secret Army. Næsta skref var auðvitað að fara á Amazon.com og athuga hvort þessir þættir væru til og auðvitað voru þeir til á DVD (komu út síðastliðið sumar) ég var nú ekki lengi að panta disk með fyrstu seríunni. Ég stóðst nú ekki að panta líka disk með fyrstu tveimur seríunum af Allo Allo, það var bara ekki annað hægt. Það er samt fyndið hvað þessi kaup valda mér mikilli spennu og hræðslu í einu. Spennan stafar af tilhlökkun til að sjá þessa upprunalegu þætti eftir 20 ára hlé hins vegar er ég líka skíthrædd um að þeir verði svo ekki eins skemtilegir og spennandi að sjá þá núna og þeir voru þarna þá gömlu góðu. Kröfurnar voru svo mikið minni þá úrvalið af sjónvarpsefni var nú ekki beysið ekkert sjónvarp á fimtudögum og ekkert sjónvarp í heilan mánuð á sumri. Barnaefni var af ótrúlega skornum skamti stöku þáttur af línunni og tomma og jenna að ógleymdri Stundinni okkar á sunnudögum, ekki það að Secret Army hafi verið eithvert barnaefni síður en svo það var bar ekki búið að finna upp rauðu og gulu merkin sem nú eru á ferðinni. En allavega ég var að lesa á netinu að þessir þættir hefðu orðið alveg gríðarlega vinsælir í Bretlandi á sínum tíma og því voru framleiddar 3 seríur af þeim og sú staðreynd að Allo allo sprauttu út frá þeim gefa mér þann vonar neista að þættirnir séu kanski næstum því eins góðir og minningin segir til um.
    En núna er mér sennilega hollast að hypja mig í háttin því ég ætla að gera heiðarlega tilraun til að fara í vinnuna á morgun. Ég er að vísu engan veginn orðin góð af kinnholubólgunni og ekki alveg hitalaus heldur en nú er bara nóg komið af þvi að væflast heima ég þoli ekki meir. Ég reyini bara að hrista ekki höfuðið, stíga varlega til jarðar og tala ekki mjög hátt þá slepp ég sennilega án slæmra verkja.

  • Hér
  • finni þið svo hljóðdæmi úr Allo Allo ég fæ algeran nostalgíufiðring af upphafslaginu. It makes me feel all warm and fussy inside.

    Auf wiedersehen eða ætti maður kanski ferkar að segja Au revoir