þriðjudagur, maí 22, 2007

Komin heim

Leó er kominn heim og búið að gera aðgerðina á honum í ljós kom að hann hefur gleypt stóra Glerkúlu sem var í eigu krakkanna hér. Næstu daga þarf svo að fylgjast vel með honum, hann fær sýklalyf og má ekkert hreyfa sig að ráði fyrr en eftir nokkra daga. Við fengum svo með honum sérfæði sem við byrjum að gefa honum nánast í matskeiða vís á morgun.

mánudagur, maí 21, 2007

Leó í aðgerð
Aumingja Leó þarf í uppskurð það er ekki víst hvort það verður í dag eða í fyrramálið. Hann hefur étið einhvern lítinn kringlóttann hlut hugsanlega skopparabolta sem er fastur í þörmunum á honum og mun ekki losna nema hann verði skorinn :s
Óróleg

Ótrúlegt hvað maður getur orðið órólegur yfir því að dýrin manns veikjast ég geng um með GSMinn nánast límdan við mig ef dýralæknirinn skyldi nú hringja. En ég hef enn ekkert heyrt frá þeim síðan hún hringdi í morgun til að fá samþykki fyrir röntgenmyndum og slíka :s
Hundveikur

Aumingja Leó er búin að vera veikur síðan á fimtudag hann er núna á Dýralæknastofunni í rannsóknum. Hann er með vökva í æð og á að fara í röntgenmyndatöku til að sjá hvort hann hafi étið eithvað sem situr fast :(
Ég get nú ekki gert að því að ég hef dálitlar áhyggjur af honum.

Hvað er svo málið með að það snjói og sé svona dimmt komið fram yfir miðjan maí ég má gjöra svo vel að hafa kveikt ljósin til að sjá handa minna skil þegar verst lætur.

föstudagur, maí 18, 2007

Fyrir horn..

Öss við erum ekki fyrr farin frá Rotterdam þegar eithvað almennilegt gerist ... hefði getað verið gaman að mæta górillu í Rotterdam....
  • Mbl.is
  • Brotin

    Það virðist vera sem brussugangi mínum séu engin takmörk sett haldiði að mér hafi ekki tekist að bráka á mér litlutána. Hvers á ein lítil tá að gjalda ég bara spyr ??

    þriðjudagur, maí 15, 2007


    Norður...

    Ég er að fara norður að sækja Önnu á eftir heimilisfólkið hér bíður spennt eftir morgundeginum þegar við komum svo aftur. Það er ótrúlega skondið hvað mannskapurinn hér er búinn að vera vængbrotinn án hennar, sá eini sem ekki hefur tjáð opinberlega hvað hann saknar hennar er Leó.
    Anna hefur greinilega haft virkilega gott af vistinni fyrir norðan hún hefur tekið ótrúlega stórt þroskastökk. Ég hef fengið all greinar góðar útskýringar um sauðburð, heimalninga, lífið og dauðann þegar ég hef talað við hana síðustu daga. Hún var svo fullorðinsleg og skýrmælt í símann að ég var farin að velta fyrir mér hvort ég væri ekki örugglega að tala við Önnu he he he