Smá

Ákvað að gefa frá mér smá lífsmark hér en ég hef ekki verið dugleg að skrifa þar sem hægri hendin á mér tók upp á því að dofna svo ég hef aðeins þumalfingur og vísifingur nothæfa á þeirri hendi. Það tekur því óra tíma að skrifa smá texta þar sem ég hef ekki vanalegu fingrasetninguna svo ég hitti endalaust vitlaust á lyklaborðið hægra megin verst eru þó Þ,Ð,Ö og komma yfir stafi, kosta alltaf nokkrar tilraunir meira að segja þó ég horfi á árans lyklaborðið. Músina hef ég svo fært vinstra megin við lyklaborðið en ég á langt í land með að verða flink við vinstrihandar músarnotkun.

Ég leitaði til heimilislæknis út af þessum dofa og hún vildi senda mig aftur á taugadeildina og hafði samband við deildarlæknin þar. Hann reyndist ósköp ráðalaus í að gera eitthvað fyrir mig þar sem báðir sérfræðingarnir sem höfðu sinnt mér í vor voru í sumarfríi. Hann taldi að það væri ekki hægt að gera neitt í dofanum og verkjnum hvort sem er og nú þyrfti ég bara að panta tíma sem fyrst hjá sérfræðingnum sem sá um mig og ákveða hvað gert verður. Taka ákörðun um fyrirbyggjandi meðferð við sjúkdómnum sem ég gæti hugsanlega verið með "ekki að það sé búið að setja neinn stimpil á það". Eftir samtalið við lækninn fór ég í það að panta tíma hjá sérfræðingunum annar átti tíma 6.október, takk fyrir, en sem betur fer var hægt að komast að hjá hinum 28.ágúst, svo eftir tveggja vikna bið er nú er bara vika í að ég fari til hans og vona að hann hafi einhver ráð upp í erminni við þessu.

Af familíunni er það að frétta að skólinn byrjaðu hjá krökkunum í dag og var Anna lang spenntust fyrir að fara í skólann. Hún spratt á fætur manna hressust í morgun smurði sér nesti og beið spennt með skólatöskuna á bakinu í rúman hálftíma áður en það var tímabært að leggja af stað.

Úff hvað get ég sagt..

Ég hló eins og smákrakki að þessari í Eymundson í fyrradag, frábar lesning, með versnandi heilsu hefur húmorinn greinilega farið niður í klósettið.

Datt í hug
..að bjóða ykkur uppá 2 mest gítarsnillinga heims Jeff Beck og Eric Clapton :)

Þingvellir

Fór í frábæra ferð að Þingvallavatni í gær í boði Dísu og Daða. Skrifa meira um það síðar. Ég smellti af nokkrum myndum hér kemur ein.

Ja hérna ..

Úff það að vera heimsmeistari í akstursíþrótt þýðir greinilega ekki að þú sért góður ökumaður. En ætli það sé alltaf í lagi að keyra á gangandi vegfarendur í Bretlandi eða er það bara ef maður heitir Michaels Schumacher ...Schuemacher keyrir á gangandi vegfaranda

Summer time..

Ákvað að henda inn nokkrum orðum bara til að láta vita að ég er lífs og að láta mig dreyma um að ég sé loks á bataleið. Vaknaði á fimtudagsmorguninn og fann strax að mér leið betur, á dáldið í land enþá en er samt merkjanlega betri :)
Ég er ekki orðin ökuhæf enn og það fer ansi mikið í mig að vera ekki almennilega frjáls ferða minna.

Hér koma svo fleiri myndir frá læknum góða á heitasta degi ársins...

Heimavörn...

Okkur fannst dáldið grunsamlegt þegar sama öryggisfyrirtækið hringdi 2svar í Guðna og einu sinni í mig að bjóða okkur öryggiskerfi fyrir heimilið. Við afþökkuðum bæði pent ég með þeim orðum að ég væri sátt við kerfið sem ég væri með. Dálitlu síðar heyrði ég hjá konu hér í Garðabæ (mamma bekkjarsystur Önnu) sem fékk hringingu frá fyrirtækinu sem hún var með kerfi frá og þeir voru að bjóða henni kerfi. Eithvað fannst konunni þetta skrítið þegar hún fór að hugsa málið og fór að grennslast fyrir hjá fyrirtæknu. Henni var þá sagt að þeir væru ekki með fólk í að hringja út og þetta væru sennilega vafasamir karakterar að grennslast fyrir um hvort hún væri yfirhöfuð með kerfi. Ekki sel ég svo dýrara en ég keypti söguna af konunni sem þáði boð um að fá kerfi og var sagt að það kæmi maður til að meta hvernig kerfi myndi henta henni best, jú maðurinn kom nokkrum dögum síðar var brotist inn allt verðmætt hirt en kerfið kom aldrei. Ég heryði svo í fréttunum á RUV í dag varað við þessum símhringingum svo ég ákvað að deila þessu með ykkur. Mórallinn í sögunni er sá að það á ekki að þiggja boð símasölu manna um öryggiskerfi fyrir heimilin ef þið hafið hug á slíku hafið samband við öryggisfyrirtækin sjálf !!

Skelli inn afrakstri göngutúrsins í gær, vildi bara að ég gæti fært ykkur lyktina sem er niðri við læk með myndunum. Það er svo dásamleg eins og hunangslykt í loftinu meðfram læknum mmmmmmmmm...