Ég fékk morgunmat í rúmið..............
Klukkan er 9 ég losa svefnin við að það er eithvað loðið í rúminumínu sem allt í einu gefur frá sér mjög torkennilegt hljóð. Mér bregður ég öskra eins og ég eigi lífið að leysa loðna veran skiptist í tvennt og annar helmingurinn hoppar aftur fyrir mig tístandi en hinn hoppar þegjandi afturábak. Þetta var þá frú Gletta að færa mér morgunmat í rúmið morgunmaturinn ber nafnið Þröstur Skógarson og var enn á fæti. Þakkirnar sem Gletta fékk var að henni var hennt út með látum. Svo var farið að athuga með morgunmatinn eftir smá samningaviðræður var ljóst að Þröstur vildi alls ekki vera aðalréttur á matseðlidagsinns. Allavega hélt hann því fram að hann væri allt of ungur og óreyndur í svo mikilvægt verkefni þar sem hann sat á gardínustönginni í herberginu. Þar sem hann var enn fleygur var ljóst að hann átti sér bjarta framtíð og því var ákveðið að leysa hann undan morgunverðarskyldunni. En eithvað kunni hann nú vel við sig í hinum konunglegu sölum í Lækjarfitinni en eftir smá þjark féllst hann á að fara út og flaug hann burt með kurt og pí.

Ég fer í fríið tra la la la ............

Nú nálgast sumarfríið óðfluga en kl. 15 föstudaginn 16.júlí ætla ég í sumarfí. Í dag miðvikudag og á morgun fimtudag ætla ég að undirbúa sumarfríið mitt mjög vandlega. Akkúrat eins og er er ég að taka smá æfingu þes. vera löt og spila Battlefield fram eftir nóttu. Ég held að vísu að vinnuveitendum mínum sé eithvað í nöp við mig ég komst að því í vikunni að fyrsta vaktin mín eftir sumarfrí er morgunvakt sem byrjar kl. 7:00 stundvíslega mánudaginn 9.ágúst. Ég væri nú kanski ekki að kvarta nema vegna þess að ég lendi í Keflavík kl. 23:45 þann 8.ágúst ef guð gefur að það verði ekki seinkun á fluginu. Ég er nefnilega að fara í helgarferð til London 5. ágúst og er farin að hlakka pínku til. Ég hlakka ekki eins mikið til að koma heim og mæta í vinnuna ósofin og kolvitlaus eftir ferðalagið. Ég er búin að liggja í vinnufélögunum og betla skipti en það er nú ekki um auðugan garð að gresja í skiptimálunum og því lítur út fyrir að ég sitji uppi með þessa blessaða 7 vakt OJJJJJJJJJJ.
Hér er búið að ganga á ýmsu síðan ég bloggaði síðast. Anna er orðin stór og búin að skipta um deild á leikskólanum núna er hún komin á Bangsadeild og er hæst ánægð þar eins og systkini hennar á undan henni. Ég verð nú samt að játa að ég sakkna Kanínudeildarinnar svoldið enda frábært starfsfólk þar :-)
Leó fékk eyrnabólgu og tók að fara úr hárum eins og það væri að fara úr tísku að vera með feld. Samkvæmt læknisráðir er hann að fá eyrnadropa, við skiptum um fóður og hann fékk B-vítamín sprautu (auðvitað B-vítamín það læknar bókstaflega allt) Hárlosið af besta vini ryksugunnar var orðið svo mikið að það þrufti að ryksuga amk. 4 sinnum á dag til að það væri líft hérna og hundurinn var kembdur 2svar á dag, á tveggja tíma fresti mátti samt moka lófafylli af hárum úr tröppunum upp í stofu :-S En eftir læknismeðferðina er hann allur að koma til og nú dugar að ryksuga einu sinni á dag 7 9 13 og eyrað er að verða bleikt að innan í staðin fyrir eldrautt.
Anna er alveg í essinu sínu þessa dagana og þykst vera búin að læra að tala alveg helling. Hún tilkynnit mér það um daginn þar sem pabbi hennar var að tala við vinnuna í GSM ........" Pabbi er að bulla" ..... svo sæt á svipinn. Ég gat nú ekki annað en hlegið dáldið að þessu. Bragð er að þá barnið finnur eða eithvað. Ég er að hennar sögn strákur það tilkynnti hún mér í kvöld og tók ekki í mál að ég væri stelpa......kanski komin tími á að raka sig hmmm. Hún er líka farin að pissa í kopp öðruhvoru en vill nú samt heldur pissa í bleyju. Lái henni hver sem vill þetta er svo mikið þægilegar hvar og hvenær sem er.
Anna er búin að vera lasin í dag og seinnipartinn í gær og því hefur hún bara verið heima. Veikindin lýsa sér í hita og kvefi ekkert alvarlegt en hvimleitt.
Ásdís og Árni eru orðin Tívolí sjúk og rella frá því að foreldarnir opna augun á morgnana og þangað til þau sofna á kvöldin um að fara í tívolíið við smáralind. Ekki höfum við aumkað okkur yfir þau enn en ég keyrði Ásdísi og vinkonu hennar í tívolíið um daginn og þær prófuðu sko öll tækinn voru pínku grænar í framan þegar ég sótti þær. Árni græddi svo far með vini sínum úr götunni og kom heim færiandi hendi en hann vann pakka sem hann ætlar að gefa Önnu í afmælisgjöf, sætastur þessi gutti. Enn hljóp svo á snærið hjá þeim systkinum í dag þegar Amma Halla fór með þau í tívolíið og þau skemmtu sér konunglega ég á að vísu eftir að fá nákvæma ferðasögu frá þeim. En nú læt ég mig dreyma um að þau hætti að rella um þetta .............. bjartsýn ekki satt.

Svona í lokinn ætla ég að biðjast formlegara afsökunar á innsláttarvillum sem leynast örugglega í textanum hér að ofan en ég er bara orðin svo sybbin að ég nenni ekkki að lesa þetta yfir.
Góða nótt..........eða góðan daginn öllu heldur !!!

Hér sketch er algerlega vanabindandi leikur á netinu. Þetta er Pictonairy á netinu og meira segja á íslensku líka. Einfalt bara ýta á Play now og leita svo að Icelandic á listanum til hliðar. Ég er búin að vera gersamlega föst í þessum leik síðustu dagana.

TIL HAMINGJU MEÐ DAGINN BERGÞÓRA !!!

Bergþóra frænka næstum systir á afmæli í dag og óska ég henni innilega til hamingju með það !!

Ásdís er komin heim !!!!!!!!!!!!!!!1

Ég er nú ekki alveg bloggdauð þó það mætti fara að halda það miðað við einlæga leti mína við að skrifa síðustu vikur. Ég hef bara verið svo andlaus og þreytt að ég hef ekki orkað að blogga. En nú er ég búin með verstu vinnuvitleysuna og sé fram á bjartari tíma með eðlilegum fríum og kanski er bara helgar frí innan tveggja vikna héðan í frá (7,9,13). Í dag kláraði ég 6 daga vinnutörnina mína og þarf ekki að fara aftur í vinnuna fyrr en á föstudagskvöldið. Viðvera mín í vinnunni var farin að valda sjúklingunum mínum áhyggjum þar þeim var farið að finnast að ég væri bara alltaf þarna og tók steinin úr daginn sem ég mætti á morgunvakt eftir kvöldvakt. Þá voru 5 manns sem spurðu mig hvernig þetta væri eingilega hvort ég fengi bara aldrei frí og fannst þeim frekar illa farið með mig. He he ég gat nú huggað mannskapinn með því að ég hefði nú náð 7 tíma hvíld á milli vakta svo ég gæti nú ekki kvartað ( það er nú bara slatta meira en sumir læknanemarnir fá :-s). En þetta var að vísu allt sjálfskaparvíti þar sem ég skipti helginni núna síðast fyrir helgi í júlí þaning að ég byrja 2 dögum fyrr í sumarfríi en ég hefði annars gert Jibbí.
Ég var svo hamingjusöm yfir að sjá fram á frí að ég pantaði mér tíma í klippingu og strípur.......get ekki beðið.
Ásdís kom heim núna í kvöld og mikið óskaplega var gott að fá hana aftur. Hún kom auðvitað færandi hendi ég fékk líka þetta fína armband sem er flottasta armband sem ég hef nokkurntíman átt. Allir fengu gjafir og meira að segja kisurnar og Leó fengu dót.
En nú er ég farin að sofa og ætla að njóta dagsins á morgun með eldri grislingunum í bland við að að stinga út rusli og drasli sem safnast hefur upp síðustu dagana.

Geysp !!!
Ég gerði leiðinleg mistök í morgun ég vaknaði eldhress kl. 7 spratt á fætur og klæddi mig og ætlaði galvösk í vinnuna. Mér varð það á að kíkja í vaktabókina mína áður en ég lagði af stað og komst að því að ég á að vera á kvöldvakt. ARGH fúlt að vakna svona snemma til einskis.
Ásdís fór á skátamót um síðustu helgi kom heim eins og hún hefði lent í sjávarháska þ.e.s. hún var blaut og köld inn að beini. Helgin hafði víst verið eins og þáttur af Survivor Iceland. Það var grenjandi rigning, tjaldið þeirra breyttist í innanhúss sundlaug, þau fengu víst lítið að borða, sem dæmi var Homblest súkkulaði kex og kókómjólk í morgunmat. Þegar loks var gefist upp á útilegunni mátti flokkurinn hennar Ásdísar ganga 3ja kílómetra leið í rigningunni til að komast í skálann. Það sem gerði gönguna enn súrari var að allir hinir hóparnir höfðu rútur og þurftu því ekki að njóta rigningarinnar á leiðinni í skálann. Það sem mér finnst svoldið skondið í þessu öllu er að skátarnir lögðu til tjaldið þar sem þeir vilidu ekki að krakkarnir kæmu með eiginn tjöld því þau kæmu oftast með "léleg" rúmfatalagerstjöld sem héldu ekki vatni. Ekki voru skátatjöldin neitt betri. Skátarnir lögðu líka til matinn og lögðu blátt bann við að krakkarnir kæmu með ætan bita með sér. Þetta var eini hópurinn sem þurfti að lúta þeirri reglu allir (flestir) hinir komu með gos, nammi og annan mat með sér. Maturinn sem krakkarnir í Vífli fengu voru pulsur í pulsupartýi og svo súkkulaði kex og kókómjólk. Þetta reyndist þeim ekki nægur matur í vosbúinni frá föstudegi til sunnudags. Ég verð nú að játa að ég hélt að þetta væru ýkjur í Ásdísi þegar hún sagði mér af ástandinu þegar hún kom heim enda á hún það til að ýkja svoldið þegar ALLIR hinir koma við sögu og líka hefur hún verið duglega að sjá bara neikvæðuhliðina þegar hún segir frá. En ég fékk þessa frásögn hennar staðfesta í gær og fyrradag fyrst þegar ég talaði við flokkstjórann hennar og svo þegar ég talaði við móður annarar stelpunnar sem fór með henni í ferðina. Ástandið var víst vægast sagt ömurlegt og eithvað hefur verið talað um að reyna að bæta krökkunum þetta upp með því að halda aukafund í næstu viku þar sem á að bjóða þeim upp á pitsu og einhverja skemtun, auðvitað missir Ásdís af því þar sem hún er í Danmörku. He he ef kalla má að missa af því Danmörk vinnur pitsupartý auðveldlega. En þetta voru svo sannarlega kaldir, blautir og svangir krakkar sem komu af skátamótinu um síðustu helgi.
Ég keyrði svo Ásdísi á flugvöllinn á þriðjudagsmorguninn ég lagði af stað héðan kl. 4:30 þessi tími dags á sko alls ekki við mig OJJ ég var eins og Álfur út úr hól ef ekki eithvað þaðan af verra. Svo skemtilega vildi til að Alexandría hennar Cyndiar var að fara á sama tíma til Frankfurt svo við sóttum þær inn í Njarðvík og héldum svo í Leifsstöð. Þar upphófust ósköpin !! Ég innrita Ásdísi og þá kemur fyrsta áfallið auðvitað þarf maður að gefa upp Heimilsfang og símanúmer þess sem tekur á móti henni úti AUÐVITAÐ(Dohh !! You stupid woman) Haldiði að ég hafi munað eftir að hafa þessar upplýsingar á reiðum höndum nei aldeilis ekki langt frá því. Ég panikkaði aðeins en svo datt mér einn bjargvættur í hug Rannsí amma Ásdísar auvitað hefði hún þessar upplýsingar á reiðum höndum. Ég gríp gemsann og tel mig muna númerið en nei ég snéri tölunum eithvað við og alls ókunnur maður svarar í símann (kl. 5 að morgni) ég biðst innilega afsökunar og reyni aftur fullviss að ég hafi lagað mistökin en aftur svarar ókunni maðurinn (grát). Konan í innrituninni benti mér vinsamlegast á að nota 118 sem ég og gerði og bað þær að gefa mér samband. Auðvitað hafði Rannsí þetta allt á reiðum höndum og brást ótrúlega vel við þessari truflun kl. 5 að morgni. Ég er nú enn með samvisku bit yfir að vera að hrella hana á fætur svona snemma og hvað þá aumingja mannina sem ég hringdi tvisvar í að ósekju. Næsta mál er að fá passa svo við Cyndi gætum fylgt stelpunum upp í flugstöðina og það gekk vel fyrir sig. Þá er komið að vopnaleitinni og hvað haldiði. Ásdís fer á undan og það pípir og vælir í henni. Ég tek úlpuna hennar og smelli á færibandið og hún fer aftur í gegn og í þá pípir ekki. Ég skýst í gegn og allt í góðu. Ég sé strax á svipnum á verðinum við gegnumlýsinguna að það er eithvað alvarlegt að. Ég gríp úlpuna hennar Ásdísar og fer að leita í vösunum og hvað finn ég jú Svissneskan hermanna vasahníf með öllu. Hann var auðvitað gerður upptækur og minnstu munaði að Ásdís hefði verði flengd á staðnum. En hún ber fyrir sig minnisleysi og segist ekkert muna hverngi hnífurninn komst í úlpuna. Núna gengur Ásdís undir nafninu Litli Terroristinn og úlpan er hér eftir Glæpagallinn. Á ýmsu átti ég nú von en ekki því að vopn yrði gert upptækt hjá mínu eigin barni í Leifsstöð. Restin af Leifstöðvarævintýrinu gekk nú bara vel. Við komumst meðal annars að því afhverju Iceland Express heitir Iceland EXPRESS. Fyrst má nefna að engin röð var í innritunina og því gerði lítið til þegar allt fór í steik við að skrá upplýsingarnar um Ásdísi það voru ekki 150 reiðir túristar fyrir aftan okkur. Svo átti véiln hennar Ásdísar að fara kl. 7:30 en kl. 7:28 fór hún frá flugstöðinni og 7:34 var hún komin í loftið þetta er sko alvöru Express. Alex hennar Cyndiar átti hinsvegar að fara með Icelandair kl. 7:25 en sú vél fór nú ekki frá flugstöðinni fyrr en 7:45 ekkert Express vð það.

Sail on...............

Jæja þá poppa ég upp úr vinnu kafinu í smá stund ég er búin að vera á næturvöktum og því ekki mönnum sinnandi. Ég er víst að fara að vinna aftur á morgun og verð í vinnunni fram á sunnudag. Ég átti nebbla að eiga helgarfrí um næstu helgi en það vantaði á vaktirnar um helgina svo ég tók eina á laugardagskvöld. Ég er mikið að hugsa um að skipta bara um lögheimili héðan í frá verð ég sennilega búsett á Hringbrautinni ekki í Garðabænum eða þannig sko.
Ég heyrði alveg frábært lag í útvarpinu þegar ég var að sækja mér föt á fatalagerinn í vinnunni um daginn. Ég náði ekki nafninu þá en það sem ég náði var að flytjandinn er Regína Ósk og lagið er eftir Jóhann Helgason. Ég er síðan búin að leita logandi ljósi dyrum og dyngjum að þessu blessaða lagi. Eftir að hafa spurt kóng og prest og ýmsa fleiri og fengið hálf undarlegt augnatillit fyrir var ég farin að halda að mig hefði bara dreymt þetta. En svo datt ég áðan um síðuna hennar Regínu
áðan Og þar gat ég lesið mér til um að þetta er lagið Sail On sem kemur út á plötu sem Jóhann Helga var að gefa út. Ég vona nú bara að þetta verði bráðlega fáanlegt á tónlist.is svo ég geti hlustað á það í tætlur, ég er ekki viss um að ég tími að kaupa heila plötu af lögum Jóhanns Helgasonar. Ég er nefnilega búin að komast að því hvað var alltaf að lögunum hans Jóhanns Helga......... það vantaði alltaf Regínu Ósk til að syngja þau samanber frábæra útgáfu hennar á Don´t try to fool me. Eftir að ég var búin að skoða síðuna hennar og hlusta á "hljóðdæmin" sem boðið er uppá er ég enn heillaðri af þessari frábæru söngkonu. Hvet ykkur til að hlusta á Foolish Games og Latly sem er undir óútgefið efni þar má líka finna ágætis útgáfu af gamla Carpenders laginu We´ve only just begun. Svo getiði hlustað á 30 sek brot úr Sail On undir útgefið efni. Ég sit svo bara og bíð eftir plötu með öllum þessum frábæru lögum hennar sem ég hlustaði á þarna á síðunni hennar.