Píripú..
Vá hvað maður getur orðið pirraður út í heimsku fólks hvað er eiginlega að ??

Flaug vísvitandi í áætlunarflugi með berklasmit

Vá hvað fauk í mig þegar ég las þetta !! Ekkert mál að taka sénsinn á því að smita hóp af fólki af lyfjaónæmum berklum í eiginhagsmunasemi sinni. Ef hann er svo heppin að vera í 30% hlutfallinu sem lifir þessa tegund berkla af þá á hann að fara í fangelsi takk !!
Ég öfunda ekki fólkið sem sat við hlið hans í flugvélunum sem þarf núna að fara í berklapróf og fá ekki niðurstöður af eða á fyrr en eftir nokkrar vikur. Ef þau hafa smitast erum við að tala um 70% líkur á að þau lifi það ekki af, allt út af einum vitlausum karli.

Ég hef sjálf staðið frammi fyrir þeirri staðreynd að hafa umgengist berklasmitaðan einstakling (ekki ónæmir berklar þó) og þurfa að fara í berklapróf bíða í nokkrar vikur eftir endanlegri niðurstöðu. Eins ólíklegt og það var að ég hefði smitast þá samt sat þetta alltaf á öxlinni á manni hvíslaði hvað ef.... þó maður léti kanski ekki á neinu bera. Meðferð við berklum felst í 6-12 mánaða sýklalyfjagjöf sem mér fannst nú alls ekki freistandi þar sem viku til 10 daga skamtar fara ekki vel í mig. Sem betur fer slapp ég með skrekkinn og hef þá vissu í veganesti að enn sem komið er hef ég ekki hitt berklabakteríuna mér til skaða. En þetta var samt ekki sérlega skemtileg reynsla og hvað þá ef þetta hefðu nú verið ónæma týpan úff....

Nenni ekki að blogga

Leó Status report

Leó er allur að koma til og batinn framar björtustu vonum. Þar sem þetta var nokkuð stór aðgerð sem hann fór í var óttast að hann yrði fyrir þarmalömun og svo var líka möguleiki á sýkingu og hinu og þessu sem úrskeiðis getur farið.
Við fórum í gær og nálin var tekin og ofsalega gaman að sjá hvað varð almenn gleði á dýralæknastofunni yfir því hvað gengur vel. Leó fékk hópknús og allt :)

Ég kveið nú mest fyrir að reyna að koma sýklalyfjunum í hann en hann á að fá tvær töflur tvisvar á dag af þeim. Það að opna munnin á Leó er ekki fyrir venjulegt fólk en sem betur fer datt mér ráð í hug sem virkar. Hann er nefnilega hrikalega svangur og má bara fá sérstakann dósamat í matskeiða formi fyrstu dagana og auðvitað er gleypugangurinn svo mikill að ef ég pakka töflunum inn í blautmatinn og læt detta til hans eins og nammi þá gleypir hann góssið án mótmæla.

Eitt sem mér fannst þó dáldið skondið við lyfin hans á skömtunarleiðbeininga seðlinum á öðru lyfinu stendur neðst Forðist notkun áfengis á meðan notkun lyfsins stendur.

Leo the surgical patient

Leo the surgical patient
Originally uploaded by Kitty_B.

Komin heim

Leó er kominn heim og búið að gera aðgerðina á honum í ljós kom að hann hefur gleypt stóra Glerkúlu sem var í eigu krakkanna hér. Næstu daga þarf svo að fylgjast vel með honum, hann fær sýklalyf og má ekkert hreyfa sig að ráði fyrr en eftir nokkra daga. Við fengum svo með honum sérfæði sem við byrjum að gefa honum nánast í matskeiða vís á morgun.

Leó í aðgerð
Aumingja Leó þarf í uppskurð það er ekki víst hvort það verður í dag eða í fyrramálið. Hann hefur étið einhvern lítinn kringlóttann hlut hugsanlega skopparabolta sem er fastur í þörmunum á honum og mun ekki losna nema hann verði skorinn :s

Óróleg

Ótrúlegt hvað maður getur orðið órólegur yfir því að dýrin manns veikjast ég geng um með GSMinn nánast límdan við mig ef dýralæknirinn skyldi nú hringja. En ég hef enn ekkert heyrt frá þeim síðan hún hringdi í morgun til að fá samþykki fyrir röntgenmyndum og slíka :s