Sjaldan er ein báran stök

Þetta virðist ætla að verða hátíðin Páska horror 2007 hér á þessu heimili. Ég er enn í sallati út af brunanum og búin að afboða mig í vinnu á morgun. Ég komst að því í dag að ég get ekki keyrt bíl af neinu viti hvað þá gert neitt annað sem krefst beggja handa.
Til að kóróna helgar horrorinn þá hringdi pabbi um hádegið og hafði lent í því að velta bílnum og telst hann víst ónýtur en pabbi slapp víst lítið sem ekkert meiddur 7,9,13... Ég gat sjálf ekki farið austur til að sækja hann, Guðni er fastur á verslunarstjóra vakt og því var betri helmingurinn (Dísa og Daði) af heimavarnarliðinu ræstur út til að sækja hann. Ég veit nú barasta ekki hvernig ég hefði farið að núna upp á síðkastið ef þeirra hefði ekki notið við þau eru algerir bjargvættir !!